കരിപ്പൂര്‍ വിമാനത്താവളത്തില്‍ 11 കിലോ കുങ്കുമപ്പൂവ് പിടിച്ചു

കരിപ്പൂര്‍: കോഴിക്കോട് അന്താരാഷ്ട്ര വിമാനത്താവളംവഴി അനധികൃതമായി കടത്താന്‍ ശ്രമിച്ച 11 കിലോ കുങ്കുമപ്പൂവ് എയര്‍കസ്റ്റംസ് ഇന്റലിജന്‍സ് വിഭാഗം പിടികൂടി. സംഭവവുമായി ബന്ധപ്പെട്ട് രണ്ടുപേര്‍ക്കെതിരെ കേസെടുത്തു. കണ്ണൂര്‍ പാനൂര്‍ ചെണ്ടയാട് മരക്കാരവിട പുതുക്കുടി അബ്ദുസ്സമദ് (32), കണ്ണൂര്‍ തലശ്ശേരി കതിരൂര്‍ വെട്ടുമ്മല്‍ പീടികയില്‍ റഹൂഫ് (30) എന്നിവരില്‍നിന്നാണ് കുങ്കുമപ്പൂ പിടിച്ചെടുത്തത്. അബ്ദുസമദിന്റെ ബാഗേജില്‍നിന്ന് ആറുകിലോയും റഹൂഫിന്റെ ബാഗേജില്‍നിന്ന് അഞ്ചുകിലോ കുങ്കുമപ്പൂവുമാണ് കണ്ടെടുത്തത്.